Main menu and utilities

Main menu

Min Side
Handlekurv

Hudlaust om håp og trøyst

Ei mild og vàr forteljing i skjeringspunktet mellom djupt alvor og humor.

To unge einsame menneske, Fredrik og Agnes, kjem frå livets skyggeside og møtest i eit busskur. Dei finn trøyst i og blir glade i kvarandre – og snart ventar dei barn. Men graviditeten går ikkje som planlagt, og dei to må halde fast i trua på kvarandre og at livet kan vere godt.

Det er over 20 år sidan Nationaltheatret sette opp Jon Fosse for første gong: Barnet, inspirert av Ibsens Brand, vart urframført under Ibsenfestivalen 1996. Fosse er noko så sjeldan som ein levande klassikar, og det er Anne-Karen Hytten som sit i registolen når Barnet no vender tilbake dit det starta.

Dette er ei hudlaus, mild og vàr personleg historie i skjeringspunktet mellom poesi og realisme, mellom humor og djupt alvor. Med Milja Salovaaras scenografi og Nils Øklands musikk, blir nye rom og nye tonar skapte i dette vakre og heilt eigne universet.

Barnet er sant menneskeleg og attkjenneleg, det er rikt og enkelt på same tid: Det handlar om livet, døden og kjærleiken. Om å leggje ting bak seg, men òg om trøyst – og håp om eit betre liv.

Framsyninga er ikkje lengre i spill. Trykk her for å sjå alle aktuelle framsyningar.

Premiere på Amfiscenen 12. januar 2017.

Varer i omlag ein time og 30 minutt.

Kunstnerisk lag

Regissør: Anne-Karen Hytten

Komponist: Nils Økland

Scenograf og kostymedesigner: Milja Salovaara

Lysdesigner: Antonio Rodrigues-Andersen

Lyddesigner: Roy Knudsen

Maskør: Hege Ramstad

Dramaturg: Olav Torbjørn Skare